[PF:171899] سانجھا دکھ (پنجابی کہانیHEART TOUCHING.

 

سانجھا دکھ
(پنجابی کہانی)

کہندے نيں جے روکھّاں اوتے پور آجاوے تے مالی دئياں فکراں وچ ھور وادا ھو جاندا اے۔ کدی اوہنوں سمّے دے سّپ ڈران لگ پيندے نيں تے کدی او اپنے خابّاں نوں گلاباں دے ھاراں وچ پرون لگ پيندا اے۔
کج ايہو جيہا ای حال ميرے يار غلام رسول دا وی سی !
کدی او دل دے بھانبھڑ بال دا،
کدی اپنے آپ نوں ساڑ دا،
کدی ہس پيندا، کدی رو پيندا،
تے کدی روندا روندا ڈھے پيندا،
تے اپنے آپ نوں سمجھان لگ پيندا کہ کئ ھويا" جے اوہدياں تن دھياں نيں!"
دھياں تے ربّ دياں رحمتاں ھوندياں نيں !
تے فير او ہر روز دی طرح حياتی دياں اوکڑاں نال مقابلہ کرن لئ ٹر پيندا۔

اج جدّ او دفتر آيا تے کسے نال سلام دعا ليتے بغير ای سدھا اپنے ڈيسک تے جا بيٹھا،
سارے دفتر وچوں صرف او ميرے نال اپنے دکھ ، درداں دی بے ججک سانجھ پا ليندا سی کيوں جے اوہنيوں شايد ايس گل دا پک يقين سی کہ ميں اوہدی گل تے پوری توجہ ديندا آں تے نالے پردہ وی رکھناں آں۔

11 وجے چاء دا ويلا آيا تے ميں اودے کول جا بيٹھا !
کئ گل اے؟
گھر خيريت اے ناں؟
توں اج پريشان نظر آرہياں ؟
ميں تن چار سوال ايکوئی ساہ وچ کرديتے۔
"نيں يار کوئی گل نہيں،،،بس ڈر جہيا لگدا پيا اے !"
کادا ڈر ؟ ميں فير سوال کيتا
"کل ميری وڈی دھی دے رشتے لئ آرہے نيں"
تے او ادی گل کر کے چپ دے کھوہ وچ ڈگ پيا۔
اودے اے لفظ میرے دل تے اينج وجے، جيوے کسے شيشے دے بھانڈے تے لوھے دا وٹا وجے تے او کرچی کرچی ھوجاندا اے تے مينوں اينج محسوس ھويا جيويں ميرا ساہ ای نہيں آريا سی، ميں اودے کولوں اٹھ کے دفتروں باہر کھلی فضاء وچ آگيا تے سٹرک دے نال نال ٹردا ھويا بابا شاہ عنايت سرکار دے مزار تے آ بيٹھا۔
بابا بلھّے شاہ دے پير و مرشد ھوراں دا اے آستانہ ساڈے دفتروں کج قدماں دے فاصلے تے اے،،،،،،،تے پتہ نہيں،،،، ميں ايتھے کنے ای چر بيٹھا رہيا۔ تے کدی پرنور جلوياں ول ويخ دا تے کدی اپنے اندر چھاتی ماردا تے اداسی دے ھنيرياں وچ کھو جاندا، مينوں اينج جاپدا جيويں ميری گھر والی مينوں کيہ رہی ھووے کہ
"اج ساڈی وڈی دھی دے رشتے لئ کج لوکاں نے آوناں جے تے تسی گھر چھيتی آجانا ، نالے کج پيسے وی دے جانا تاجے اونا دی خوب خدمت ھو سکے"
کينا خرچہ آئيگا ؟ ميں اوہنوں پوچھيا
بس دو ھزار نال کم ھو جاۓ گا، اوہنے آکھيا۔
نيں وياہ تے کينا خرچہ آئيگا؟ ميں اپنی گل واضع کرکے پوچھيا۔
منگيائی تے سر چڑ کے بودی جے پئ!!!! پر تسی فکر نہ کر‌‍ؤ،،،، ربّ چنگياں ای کرۓ گا،،،،بس ربّ سچا ساڈی دھی دے بخت سوھنے کرۓ!!!
تے ميں دل وچ،،،،آمين،،، آکھ چھڑيا۔

جدّ ميں دفتر واپس اپڑيا تے پتہ لگا کہ غلام رسول ادھی چھٹی لے کے گھر چلا گيا اے۔
تے دوجے دھاڑے وی دفتر نہيں آيا، ميں اودۓ موبائل تے کال کيتی تے او بند سی، اوہنے کدی اپنا فون بند نہيں سی کيتا جہڑا ميں چنگی طرح جاندا ساں، ميں دفتروں چھٹی کرکے اودے گھر جاندا پروگرام بنا ليا۔
فير کج چر بعد ميرے دفتر دے اک کوليک کولوں پتہ لگيا کہ غلام رسول نوں دل دا دورہ پيا اے تے او " کارڈيالوجی" وچ داخل اے، میرے پيراں ہيٹ زمين نکل گئ تے ميں فورا دفتروں چھٹی لے کے ھسپتال ول ٹرپيا،
ايمرجنسی دے بوہے تے مينوں غلام رسول دا وڈا پتر مل گیا تے ميں چھيتی چھيتی اودے کولوں پوچھيا،،،،،،
ھن کئ حال اے تيرے ابے دا ؟
ھن طيبعت کج بہتر جے چاچا جی!!! اوہنے دسيّا
ميں اوہنوں ويخ کے آونا آں،،،ميں آکھيا
ڈاکڑاں نے ملن توں منع کيتا ھويا جے، اوہنے ميرے ول مايوس نظراں نال ويخدے ھوۓ دسيّا،
اچھا،،،،،،،،،،،،،،،،،،،(پر ميں اپنے يار دا چہرہ ويخن لئ بےقرار ساں)
چل ٹھيک اے،،،،ميں او سامنے تھڑے تے بيٹھا آں، تے ميں اودھر ٹر پيا، اجے ميں تھڑے تے ٹھيک طرح بيٹھا وی نہيں ساں کہ غلام رسول دی ودی دھی نس دی ھوئی اندرو آئی تے اپنے وير دے گلے لگ کے اوچی اوچی رون لگ پئ !!!

ميں سمجھ گيا کہ
ميرا يار غلام رسول ھن ايس دينا وچ نہيں رہيا تے
زمانے دياں رسماں رواجاں دا سپّ اہنوں نگل گيا جے۔

مينوں اے گل کيسے کولوں پوچھن دی کوئی لوڑ نہيں سی کہ" غلام رسول نوں کدوں تے کيوں دل دا دورہ پيا؟
مينوں اے وی کيسے کولوں پوچھن دی حاجت نہيں سی کہ " اودی وڈی دھی دے رشتے لئ آؤن والے لوکاں نے اودے کولوں جہيز دی بھرويں " ڈيمانڈ" کيتی سی!
جدّ کہ ميرے يار کول براتياں نوں روٹی کھاون لئ وی پيسے نہيں سن۔
تے ميں تھڑے تے بيٹھا ڈھاراں مار مار کے رون لگ پيا!!!!!!!
تے اپنے اے شعر اوچی اوچی پاگلاں دی طرح گاؤن لگ پيا:!!!!!

خوشیاں، سدھراں بخت دی ليک۔
پی گیا ويری اکوئی ڈئيک۔

گھپ ہنيرہ پاگيا ايتھے۔
ساڈے بخت نوں کھا گیا ايتھے۔

اتھرو، بھانبھڑ، دل تريڑاں۔
سانبھاں کيوں ميں چھگڑياں جيھڑاں۔

،،،،،،کيوں جے ميرے تے ميرے يار غلام رسول دا ،،،،دکھ سانجھا،،،سی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ( تحرير : فقير مظہر اللہ قريشی)۔۔۔۔۔۔۔۔۔۔۔۔۔۔۔۔۔۔۔

 

what was my fault

--
--
From:
[Pak-Friends] Group Member
Visit Group: http://groups.google.com/group/Karachi-786
Subscription: http://groups.google.com/group/karachi-786/subscribe
===========================================================
¸,.-~*'¨¯¨'*·~-.¸¸,.-~*'[PäK¤.¸.¤F®ï£ñD§]'*·~-.¸¸,.-~*'¨¯¨'*·~-.¸
===========================================================
All members are expected to follow these Simple Rules:
-~----------~----~----~----~------~----~------~--~---
Be Careful in Islamic Discussions;
Bad language and insolence against Prophets (and / or their companions, Islamic Scholars, and saints) is an Instant ban.
Abuse of any kind (to the Group, or it's Members) shall not be tolerated.
SPAM, Advertisement, and Adult messages are NOT allowed.
This is not Dating / Love Group, avoid sending personnel messages to group members.
Do not post anything linked to (or in favor of) facebook.
Thanks
 
---
You received this message because you are subscribed to the Google Groups "Pak Friends" group.
To unsubscribe from this group and stop receiving emails from it, send an email to karachi-786+unsubscribe@googlegroups.com.
For more options, visit https://groups.google.com/groups/opt_out.